( اصـــ ع ــب .. سؤال ) ..!!

قصيده رائعه ..
عميقة المعنى , شديدة الآلـــــم , و تجمع تساؤلات عدة بين حروفها ..
هذه هــــي رائعة .. الشاعر / محمد جار الله السهلي .

.
.
(اصعب سؤال ) اللي جوابه للأسف مثله ( سؤال ) !!
...................... ما هو تفلسف !! الا موقف صار واسمع " ثاني بيت" :
البارحه يومه سأل : ( وش ذكرك ذيك الليال ؟ )
.................. كان الجواب بكل بساطه : ( من متى اصلا نسيت ؟ )
ادري بان جمع ( الصعوبه والبساطه ) شي محال !!
.................. لكنها صارت كذا ! واللي (( اهم )) اني دريت :
ان الحياه فبعد احبابك اذا جف الوصال
................. اتعيشها لو تقتنع انك خلااص اصبحت ( ميت !!)
يا صاحبي لو كل شي يمر بالخاطر يقال
................. ما كانت العبره تــــولجني اليامنك طريت ؟!
شفني قدرت احبس دموعي بس ( دمع القاف ) سال
...................... ويا كبرها ساكت ولكن داخل اوراقي بكيت !!
عمر الحكي ما كان دافي لاابتدى بقولة تعال
.................... لجل اتجاهل رجفة حروفي اليامني حكيت ..
الحال في بعدك قسم بالله ما اسميه حال
............... انوي على الضحكه واحس كلي خطا لاني نويت ؟!
اتصور انك من رحلت اشوفك لجسمي ظلال
.................... لا شفته امشي ببتعد واثره معي مهما مشيت !!
مدام يعني في بحرك لفرحتي مليون جال
............... وش فيه موجك ما ركد ؟ قربت اموووت وما رسيت ..
يرضيك ما عادت معي تفرق اذا جالك مجال
.................. لاني اقتنعت انك نهايه واني ببطي ما بديت !!
صرت ( اعقد حجاجي ) اذا جابوك باطراف الجدال
...................... وانا قبل لاقالوا اسمك كني : ميت ثم حييت ..
تعبت اعيش الدور وافتح للمعاذير الخيال
................... واتخيل اني جيت في بالك وبانك استحيت ..
وتردلي كلك (( وله )) وتقول : ( كن البعد طال ؟ )
............... ومن الفرح ما عاتبك واقول : ( ياخي مابغيت ! )
حتى وانا اتخيل حشمتك ! لن قلبي لا يزال
................. يكرر اسمك داخل اعماقي بنبضه لا سهيت ..
قلي شسوي فيك ؟ وانت بداخلي اصدق مثال
............... للحب واحساس القصيد ان عانق الليل وسريت ..
ربي يصبرني على الفرقا مدام الحظ مال
............... وانت بيجيلك يوم تعرف ليه في بعدك شكيت ..
واذا بلاك الله وعذبك اشتياقك (( بس تعال ))
.............. واقرى القصايد في غيابك كلبوها بيـــت ... بيـــت ..
بتدرى ان ( اصعب سؤال ) اللي يجي رده ( سؤال )
................ لا قلتلي ( وش ذكرك ؟ ) ثم قلتلك ( متى نسيت ؟ )


وهنا بالصوت




http://http://www.sotalkhaleej.com/d...on=lsn&id=2030

اوتار

يعطيك ربي الف عاااافيه على الشعر الجميل

دووووووووما ً الابدااااااع يارب

نننظر روااائع الشيقه

تحياتي

اوتااار

مشكوووره على القصيد ويعطيك العافيه عليهاا

ماننحرم من مواضيعكـ الجميله

تقبلي مروري

وقودالعشق

الوليد


وقود العشق



مشكورين على مروركم

شعر في غايه الجمال

مشكوره وخيتي

والله يجزاتس الجنه

تقبلي مروري

مرورك الاجمل يابعدي


واياك يارب

بتدرى ان ( اصعب سؤال ) اللي يجي رده ( سؤال )
................ لا قلتلي ( وش ذكرك ؟ ) ثم قلتلك ( متى نسيت ؟ )
لكـ تحياتي على هذا النقل المميز ..
مجرد شعور ..

مشكور على مرورك الرائع

يسلموووووو

الله يسلمك فارسه



مشكوره على مرورك