توك صغيرة

قصيــده اعجبتني واتمنى تعجبكم ؟؟؟





تـوّك صغيـره وابتديتـي تحبيـن
من علّمك ليل السهـر ياصغيـره ؟

بدري عليك العشق يابنت هاللحيـن
حرام هذا القلب وشهو مصيـره ؟

انتي بريئه في الهوا ليه تشقيـن ؟
درب الهوى يابنت سكة عسيرة

رحتي بدرب ٍ ماله اصلا ً عناويـن
وانتي مشاويرك مـن اول قصيـره

ياطفلة ٍ حبّت وراحت على ويـن ؟
عقب الهنا ذقتي الحيـاه المريـره

وينك ووين الحب والشوق والبين ؟
عنّيتي عيونك وصرتـي سهيـره

امحق تسلّـي كـان ودّك تسلّيـن
الورد لولا اللّون وشهو عبيـره ؟

خلّيتي دروسك وصرتـي تحاتيـن
الدرس في ديره وصرتـي بديـره

وصرتي بعد من غير هذا تغاريـن
والمشكلـه يابنـت منتـي خبيـره

نصيحتي لـك كـان ودّك ترديـن
يـم السعـاده والحيـاه المثـيـره

خلّـك بجـو العايلـه لا تعـدّيـن
مامـا وبابـا والعجـوز الضريـره

شيبانـك اللّـي مايبونـك تعانيـن
من بينهـم عشتـي كأنّـك أميـره

الحب قبلك هـز نـاس ٍ كثيريـن
وخلاّ القلوب تعيش هـم ٍ وحيـره

الحب يفضح لا انكشف داخل العين
وانتي بنفّسـك ماهقيتـك بصيـره

طيعي كلامي واحـذري لا تماديـن
تراجعي لاعل فـي الأمـر خيـره

عيشي الطفوله والبراءه لك سنيـن
وبعدين حبّـي لا غديتـي كبيـره


منقول للشاعر / حمد سعد

قصيده رووووووووووووووعه

مشكور والله يجزاك الجنه

تقبل مروري

اخوي انا كذا مشكوووووور على مروووووووووركـ


مع تمنياتي لكـ بالتوفيق


تقبل تحياتي


اخوكـ / الرمـــــــــــــــش

الرمـــــــــــــش ..

قصيدهـ في قمـــــــــــــة الرووووعـــــــــه ذوووووق وتمييييييز في أختيارهــــا ..

يعطيك العافــــــيـــــــــه ..

دمـــــــــــت بود ..

تحياتي لكـــ .

...أحساس عاشقه...