من يرفع شراع السفينة

العلم ماكله دراسة كتب وأستاذ وفصل
العلم يحصل لك نتيجة خبرتك والمعرفة
اللي درسته بالسطور تطبقه قول وفعل
علمك يضيع أن كان ماطبقت شي تكسبه
دنياك هذي مدرسة فيها عواريف وجهل
لازم تنفذ ماتقوله باللسان وتنتبه
والا لاتنطق بالكلام يقال ماعندك عقل
كلامك اللي تنطقه لك الخلايق تنسبه
ويالو كل اللي يقال ينفذ بلايا جدل
كان انتهينا من مشاريع الحياة المتعبه
تهنا بذا الدنيا وشدينا السفينه بالحبل
من يرفع شراع السفينه والمجد من يكسبه
مايرفعه غير الرجال اللي لها وزن وثقل
والا كثير الناس يحسبها لعب في الملعبة
بعض الرجال أخذه معك يطلع معاك راس الجبل
يطلع معك راس الجبل كل الجبل مايتعبه
وبعض الخلايق معك مايمشي يالو وسط السهل
حتى السهل وهو سهل لازم تقوم وتسبه
ترى الحمول اللي ثقال تشال في ظهر الجمل
والا الحوار اللي كثير رغاه حمله طاح به
أنا مجرب هالحياة أطعمتها صبر وعسل
ماهو مجرد هالكلام اللي أقوله وأكتبه
ترى العسل ماتاصله ياللي مهيبك الكسل
دونه نحل يلسع ومن خاف النحل مايقربه

يـــســـلـــمـــووو عـــلـــي الــــمــــوضــــوع

الــــرائـــــع وكـــــلــــك ذوق

تـــــحـــــيــــااتــــي

هــــــلالــــي مـــــوت

الف شكر على مرورك أخوي

وكل الذوق فيكم والله يسلمك

ويوفقك

ترى العسل ماتاصله ياللي مهيبك الكسل
دونه نحل يلسع ومن خاف النحل مايقربه

سمووووو

تسلمين ياعسل على القصيدهـ الرووووعه.....