هذي العبارة رددها بعض الشباب كثير ...

السلام عليكم ورحمة الله وبركاته






هذي العبارة رددها بعض الشباب كثير ...ياليتني بنت...

طبعا الخوف من اساءة الظن بهم ...

ولكن المبررات اللي خلتهم يتخذونها لارتكاب هذي الجريمة البشعة ...

###################

الولد يحرم عليه دخول الكثير من الاماكن المغلقة مثل المنتزهات والحدائق والاسواق وغيره ..

بس الولد لازم يصير معه محرم اللي هو البنت ..( انعكست الاية ) سواء كان المحرم امه او اخته او شغالتهم ...

البنت كل الابواب مشروعة له بالدخول والخروج على مزاجه ولا ( ابن امه ) يقول ممنوع ...

###################

الولد اذا دخل مكتب حجز طيران او غيره ( ينطق ) عنده بالساعات الييين يجي دوره واخرته الحجز مقفل ...

اما البنت لا ..

من يوم تطل مع الباب وهم منادينها <<<< حتى لو انها داخله بالغلط ...

ويحجزون لها جنيف ذهاب وعودة ..... وطبعا يقدمونها على كل الشنبات اللي بالصالة ... لا وبعد يشتغل الموظف بضمير و

( وامري وتدللي )ويطق لها ابتسامة تقل يسوي دعاية معجون اسنان ...<<< ما يبقى ضرس ما يطلع ...

##################

الولد اذا بغا يقطع الشارع ...

يقعد ساعة ما احد عبره لا واللي يقهر ان السواقين والليموزينات يشطفونه والرحوم منهم اللي يهاوشه يقوله ابعد عن الخط ...

اما البنت ...

اذا حطت رجلها الكريمة على الشارع ...ما تسمع الا مصارخ الكفرات ... وتوقف السيارات وبكل احترام تقل فيه تسع دورايات عند اشارة المرور..

لا ويجيك عاد بعض الناس تطلع الاخلاق ...( تفضلي ...والثاني يطقها ابتسامة ... والثالث يدعي له بالستر تقل يعرفها )..

################

الولد يقعد عاطل بالبيت ما احد يتعاطف معه ...

والبنت مسخر لها هالعالم تقل شغله الشاغل يطلع بالمجلات والصحايف والفضائيات لا وش مواضيعها ...

قيادة المراة وعمل والمراة ...

والشباب خلهم ينطقون بالبيت ما يحتاج لهم عمل ...

###############

الولد اذا ارسل شي ( قصيدة مثلا ) لاحد الصحف ولا المجلات على طول سلة المهملات ...

اما البنت ...لو ارسلت قصيدة ولو هي اي كلام كان افردوا لها الصفحات ويحتفون بها ويحطون للقصيدة مقدمة اطول منها ...

##############

الولد اذا حط موضوع باي منتدى

وكتب انه منقووووووووول كان غص من كثر الشرشحة اللي تجيه والتهزيئ والتعنيف والوموضوع قديم كل يعرف ينقل عسى ما تكلفت ...

اما البنت لو نزلت موضوع وكتبت انه منقوووووووووووول كان يفيض المتصفحين ما يسر الخاطر من الثناء العاطر ولاتت الردود الطوال على هذا المنوال:
( نقل رائع يدل على ثقافتك الهائلة ...رايت مواضيع منقولة كثيرة ولكن لم ار مثل هذا النقل المميز لا يستطيع احد ان ينقل هذا النقل الا من اتاه الله العلم العميق والفكر الانيق والاسلوب الرشيق اسلوبك في النقل لا يضاهى ....الخ


اما الاشياء اللي عايشتها من تكريم المراة ...

مرة كنت بالمطعم اللي عند المعارض <<< وش اسوي لك ..

وطلبت شاورما وقلت حط لي جبن <<< الله من زين الذوق ...

صاح علي راعي المطعم وقال ما بيصير وما ادري ايش وسوالي سالفة طويلة ..

قعدت اتعشى ... تدخل مرة وتقول بالله خمسة شاورما واذا سمحت حط لي معاها جبن وازيدك فلوس ...

قال : ولو تكرم عينك المطعم تحت خدمتك انتي امري <<< الله يقلعك يا ابن اللذينا ..



اليوم انا قاعد ادور استراحة انا والاهل ولقيت استراحة فاضية وقلت للعامل ابي اشوفها قال لا واحاول به وانا واياه عيا مرة ... جتك عمتي قالت يا محمد لازم انا اشوف استراحة ضروري ...
يوم درا ان معي مره فز تقل حمار وقام وفتح الاستراحة وفتح اللمبات وكل شي ..<< بالله ما تنقهرون ...


الله يالدنيا حتى العمال ضدنا ...


وحنا طالعين من الاستراحة مريت من عند شرطي ( ملاحظة كنت مكتم السيارة بالتظليلة ) ومير يلحقني ويوقفني ...

قال معك حريم قلت ايه قال معليش والله اني اسف التظليلة قوية ولا شفت زين وانا بكل برود اقول لا عادي تقل هو الغلطان ...

*****************




اخيرا بعد كل هذا تلوموا بعض الشباب اذا قالو ياليتني بنت !!!

ولا تقولون الولادة .. وما الولادة ...عطونا ربع الاهتمام والدلع والدلال من مجتمعنا الحنوووووون وخلونا نجيب توم كل شهر ...


وبعدين ترا حلاوة الحياة عند المرة الحمل والولادة <<< سئلت امي قبل شوي ...

وابي رايكم


منقــــــــــــــــول


وابي رايكم بالموضوع...

مشكور على موضوعك


ومن جد موضوع يحتاج مناقشه جاده

وبنقل موضوعك لقسم المناقشه الجاده

لانه مهم ومحتاجين لمناقشته

والمفروض انه يكون في مراعاه واهتمام للجنسين

وياليت ينحط اماكن لترفيه الشباب وماتنلامون على قهركم

الف شكر على مواضيعك المميزه

يسلمووووووووووووووووووو على الطرح الجميل وبصراحهـ لاحياة لمن تنادي وانا والله ماعاد اروح مجمعات وصار عندي ضيق من الاسواق بسبب هذه المشاكل والله يحمينا ويحميكم........

تقبل مروري............

يسلمووووووووووووووووووو على الطرح الجميل وبصراحهـ لاحياة لمن تنادي وانا والله ماعاد اروح مجمعات وصار عندي ضيق من الاسواق بسبب هذه المشاكل والله يحمينا ويحميكم........

تقبل مروري............