للبنات ==كيف ترفعين ضغط أخوكي==؟؟!!

10-24-2008

السلام عليكم ورحمة الله وبركاتــه

عندي دروس خطيره لا تفوتكم يا بنات .. شوفو اللي مقهوره, واللي تبي تنتقم , واللي تبي ترفع ضغط اخوها تتبع

هالخطوات والله يقويكم

*** عند التلفزيون ***

لا صارت فيه مباراه , والاخ متحمس اقطعي هالحماس وشلون؟!

انا اقولك ..
شوفي اذا صار مبقق عويناته وماهو يم احد يعني لو تجيبين صاروخ تفجرينه قدامه مالتفت لك اعرفي انه منسجم ,

هنا بس تقومين بشغلك.. وتسوين نفسك بنت سنعه
وروحي جيبي قطعة قماش وبخاخ للتنظيف واوقفي عند التلفزيون وامسحي الشاشه ولا تعطينه فرصه يشوف زين ,

لا قال: ابعدي. قولي مانيب فاضيتلك بنظف وامسح ، وبعدين روحي جيبي المكنسه واكنسي المكان اللي هو فيه وحاولي من لحظه للحظه تكنسين قدام التلفزيون وغطي عليه.. ولا يهمك احد..
واذا قال: ابعدي لااصقعك على وجهك بالكاس قولي معصي بيجون ضيوف . . العبي عليه حتى لو مو جايكم احد , والا سوي نفسك جالسه وتذكرتي ان الكيك بالفرن احترق ناقزي لين توصلين للفيش وامصعيه برجولك ولا تلتفتين وراكِ..

*** عند النوم ***

لا صار التمساح يشخر.. نكدي عليه نومه وشلون؟! دخلي عليه بزارينكم على بزارين جيرانكم وصكي الباب عليهم وخليهم يلعبون بغرفته ويناقزون على راسه .. تخبرين اطفالنا احباب الله خخخخخخخ
والا تعالي وهو في سابع نومه وارجفيه ذيك الرجفه اللي يفز مايدري عن نفسه الا وهو جالس وبكل برود قوليله نبي نخرج ..

*** اذا المزاج مزفت ***

اذا شفتيه ماله خلق ومو رايق ومقفله معه لا تخافين بالع** هذي فرصتك تنتقمين منه يعني تحرشي فيه خلي دمك ثقيييييييييل بالمزح

بس انتبهي في هاللحظه راقبي حركات يده لان ممكن يصك أي شيء قدامه بوجهك ولازم تصيرين مجهزه مفتاح الغرفه.. ماتدرين السالفه يا غالب يا مغلوب خخخخخخخخ

المهم.. اضحكي على شكله والا على جلسته والا على لبسه .. هو بيقول ترى مانيب رايق اذلفي عني , انتي لا تسكتين قوليله واذا ماذلفت وجهي وش بيصير

عاد هو بيقوم ويوريك وش بيصير على سنع انتي في هالوقت اقضبي اول درجتين توصلك لغرفتك وطلي عليه من فوق وقوليله ههههههههههههاااااي اهم شيء رفعت ضغطك وقومتك من جلستك
عادي .. عادي ولا صرتي بزر وش فيها اهم شيء تحقيق الغايه اللي هي (( تفجير الامبير )) واهم شي بعد الاخلاق لاهنتي سحليتي خخخخخخخ

*** وقت الطقاق ***

لا جاء يوم وبراسك حرش وتبين تطاققين انتي والتمساح لازم تجهزين نفسك من كل ناحيه:

1/ اللبس:
لازم تلبسين ترنك خخخخخخخخخ علشان يسهل الركض

2/ الشوشه
لازم تلمينها وتسوين حفله براسك ذاك اليوم تحطين انواع الشباصات والمغاطات وانتبهي ولا خصله تنزل منك,

وياليت يكون ذاك اليوم حاطه براسك حناء علشان مايتجرأ ويلمس شعرك <==== ابن أمه يجيب مثل هالتفكير

3/ مفتاح الغرفه ولميه الاحتياط واجب

اذا بدت المعركه حطي راسك براسه ولا تبينين له انك خايفه وبققي عويناتك فيه وقوليله وش براسك عاد هو هنا بيقولك هذا اللي براسي طراااااااااااخ الا ومخمس مصفي طبلونه ,
لا تستسلمين عطيه بوكككككك** على عيونه الثنتين علشان مايشوف الدرب وحطي رجلك
.

وعلى طووووووووول لغرفتك اللي مجهزة مفتاحها من قبل واقفلي عليك .. ويادار مادخلك شر بس نصيحه اقعدي يومين لايشوفك ولا تشوفينه لانه يبي ينتقم لكرامته وبيوريك النجوم في القايله ..

على فكرة انا مالي خص اذا صار شي

اقول شكل اخوانكم بيدعون علي

منقووول للأهميه والفائدة

10-24-2008

**حناين**
هههههههههههههههههههههههههههههه
هذه مو حركات ترفع الضغط
هذه عمليات قتل مالقيتي أخف منها يانذلــــه !!!
بس بصراحة استانست كثير معها
وإن شاء الله اسوي كل الإحتياطات اللازمة
في مثل هذه المواقف الصعبة ههههههههههه
ألف شكر على الموضوع الناااايس
تقبلي مروري وفائق احترامي وتقديري
حـمّــاد

10-24-2008

ههههههههههههههههههههههههههههها ي
حلووووووه وتسلمي حناين ياقلبي ..
بس الى الاخوووان الدعلين نسووي كدا
مو الى اخوانا يهبلوووو
وماينفع معاهم كدا
بس ماتدري يمكن نحتاجه
تقبلي مروري
مع خالص احترامي ..

10-25-2008

اخوي حماد
تسلم عالمرور
لو احد جربهافيك كان أرتفع ضغطك ومت >>بعيد الشر

10-25-2008

{يحسبني عديم احساس}
يسلمووووو عالمرور
كلهم واحد >>حقد عجنس أدم

التميز خلال 24 ساعة
العضو المميز	الموضوع المميز	المشرف المميز	المشرفة المميزه
قريبا	أحبك بقلم : آلغًـِِّـِِّـِِّـِِّـِِّـِِّآمًضًٍ		قريبا

أدوات الموضوع
عرض نسخة صالحة للطباعة أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

الإعلانات النصية
منتديات كلمه	نكات	طيف السعادة	التقدم الوظيفي	منتديات ونة شوق	إعلان نصي

الذين يشاهدون محتوى الموضوع الآن : 1 ( الأعضاء 0 والزوار 1)

الإهداءات
إضافة إهداء

للبنات ==كيف ترفعين ضغط أخوكي==؟؟!!

تنسيم - نكت - ضحك - طرائف