حبيبتي ... تدرين وش تذكرني الدنيا فيه.. فيك انتي

حبيبتي تدرين وش تذكرني الدنيا فيه ؟؟تذكرني فيك في كل مافيها

الليل يشبه شعرك الدامس

والقمر كنه معالم وجهك الفتان

وصبح خدك

منور وكنه ماخذ الشمس بحلاه

شوفي الغروب بحمرته جمرتك شفاتك

شوفي السما... كنه أنا... ضايع وطاير في سما صدرك أنا

شوفي الجبال ... معانده دهر الزمان ورغم الرياح وحروب بسيوف ورماح
راسيه ترفض تزاح... فيها من طبعك كثير

حتى النسيم ... برقته يشبه حظورك

حتى الورود... بشكلها واجد كثير وبريحها واجد كثير...هذا انتي كل
يوم بشكل وردة من جديد

شفتي البحر ...مثلك كثير هذا لو ما انتي البحر .. موجه يجر ويسحر
قلوب البشر ...كنه بموجه عيونك مد.. ثم تسحب جزر .. مكحولة بكحل السحر


شفتي النجوم ... نشوفها رغم البعاد ...لاكنه بعيده ماتصاد ... هذا انتي
مكانك فبعد المراد ...ومن ياصلك يصبح رماد

شفتي الطيور ...مهاجره دايم تدور ...من الشتا ترحل تهاجر لدفى ...
هذا شعورك ... بحضانك فصول الدفى ...دايم تهاجر لدفى


شفتي الغيوم ...محملة مزن وتحوم ...مرات تمطر مزنها... ومرات ترحل
ماتدوم... هذا وصالك ياهوا ...ونا دايم معك احوم..