إعرف تراني بنت عن سبعة رجال

خرعتكم

ههههههههههههههههههههه

اخليكم مع القصيده:

وانتظر ردودكم لاتحرموني منها:

السلام عليكم ورحمة اللهـ


-----------------------


اعرف تراني بنت عن سبعة ارجال
..........ان قمت قامــــــت لجل شفي قبيلــــــه



واعرف ترالي قول تتليه الافعـــــال
...........ومسعاي في درب الشرف والفضيـله



ما ني من اللي في هوى الغي ميال
...........ارقى الشموخ وعزتي تنتخي لــــــه



مـــــا انظر لخلفي على زقرة عيال
...........لـــــي شومةٍ بين البرايـــــا طويلــه



شربت من عز الرجاجيــــل فنجال
.........حتــــــى جعلته في حيــــاتي وسيله



لي والدٍ له في سمـــا الجود مدهال
........ان مـــــــد بـــــــيده ما شكينا عضيله



ولي لابةٍ ما عمرهـا ترد من سال
..........ضيـــا نها منصـــى امضيــع دليله



تعقد عليهم حزة الضيـق الامـــال
...........وتفرح بهم ام الســـتر والفضيلــه



اكـــرام شجعــانٍ صناديدٍ ابطـال
..........من رادهم بالضيم تـــــــجتث ريله



هذي انا بالشعر في كل الاحـوال
...........اسري بقافه كلما جــــــــــن ليله

:
:


كلمات الشاعره الاماراتيه : توجاد