,,,,,,,,احبـــــــها ولــــكـــن...............

هلاااااااااااااااااااااااااااا اااااااااااا كيفكم ياحلويييييييييييييييين انشالله بخير راح اكتب لكم قصه قراتها وعجبتني مرررررررررررره وياليت تعجبكم بعد بس فيها شيء واحد اني ماقدرت اكملها لاني بصراحه تعبت وانا اكتب
بس راح اوريكم جزء والجزء الثاني بكتبه قريب وبكذا تتكمل القصه بس ابغا ردودكم يوم اكمل القصه تبوني على طول اكتب الباقي ولا انسخ الاول مع الباقي عشان ماتتوهون بالقصه وانشالله اكملها في اقرب وقت
وهذي القصه وااقعيه,,رومانسيه فيها الحلو وفيها المر بس ياليت تعجبكم وابي الردود

بـــــســــم الله نـــبــدأ
====/أحـــبــــهـــا ولـــكــــن....../=====

@@@@@@@@@@@@@@@@@@@@
...........................,,, ,,,,,,,,,,,,.................. ............
<غلا مايصير كذا لك يومين ماأكلتي شيء >
قالتها مضاوي بنت عم غلا لغلا وكملت مضاوي بعد ماشافت مافيه تجاوب من غلا/حرام عليك عيونك تعبت من كثر البكاء أنا بنادي أبوي يمكن يقدر فيك
وطلعت مضاوي تاركه غلا بحاله تقطع القلب كان واضح عليها التعب ووجهها ذبلان غلا تفكر بنفسها صح أنها عمياء لكن عيونها زادت بالألم من شدة البكاء وطول عمرها مؤمنه بقدرها لكن كانت تتمنى يرجع لها نظرها لثواني عشان تشوف زايد وأول ماتذكرت زايد غطت رأسها بالبطانيه عشان تنسى لكن الذكريات تدفقت بعقلها بحلوها ومرها
@@@@@@@@@@@@@@@@@@@@
<أجيك يسلم رأسك وشلون ماأجيك وياك أنا بالذات صعب أتغلا والله لوتدري .....>
ضحكت غلا أول ماسمعت الأغنيه وقاطعت الأغنيه /خلاص درينا أنك جيت ولا لازم تصك رأسي بصوتك النشاز قال زايد/ أفاااعليك
ياغلايه صوتي نشاز <كان زايد متملك على غلا وكل ماجاء لبيت غلا كان يغني هالأغنيه وبكذا غلا تدري أنه جاء>
غلا/ياحرام حطمت قلبك؟
زايد بصوت مسرحي/ يااااااه كم أتمنى لو قدرتي موهبتي يوما أيتها الفتاه الحمقاء
قلدته غلا بنفس الأسلوب/ماذاأنا حمقاء ويحك يارجل هيا اطلقني وأرحم نفسك من حماقتي
زايد/أطلقك !!!!!فعلا أنتي حمقاء وعوباء
ضحكت غلامن قلب
قال زايد/أروح وطي من الضحكه وراعيتها
غلا/ يله عاد لايسمعك أبوي
زايد بتنهيده/أيـــــــــــــــــه متى الله بيرحمني ونسوي العرس يله ماعلينا أنتي وش تسوين
غلا/ شوفت عينك بسوي قهوه
زايد/ يعني أقعد تعرفين تسوين قهوه
غلا/ ليه عشاني عمياء ماعرف أسوي قهوه
ضربها زايد على كتفها بخفه/يله عاد بلا دلع بس أنتي ماتشربين قهوه فوشوله تسوينها
غلا/ بس أبوي يشربها عشان كذا أسويها له
زايد/ ياالله ياعمي عليه مزاج بالله في أحد يشرب القهوه الظهر
غلا/ ايه فيه أبوي بعدين رح أجلس عند أبوي بدال ماأنت مقابلني وماخليتني أكمل شغلي
قرب منها زايد وقال لها بأذنها بهمس ناعم/ أنا عارف أنك ماتركزين وأنا جنبك بس هذا قدرك تحمليني
غلا وهي تدفه/ روح زين
طلع زايد وهو يضحك وجلست فلا تكمل القهوه
@@@@@@@@@@@@@@@@@@@@
أول ماشاف زايد غلا جايه تشيل القهوه فز على طول وأخذ منها القهوه ومسكها بيدهها وجلسها جنبه
ضحك أبو غلا وقال/أنا ماأدري ماتستحي على وجهك تسوي حركاتك قدامي
قال زايد وهو يصب القهوه/مايستحي إلا الغلطان وهذي زوجتي وأنت بنفسك مزوجينها ولانسيت
الأب/ انسى!!!!!!!وشلون أنسى وأنت مرتز عندي أربع وعشرين ساعه
زايد بهزة رأس/ لاحول ولاقوة إلا بالله البنت تكرشني والأبو طفشان مني أنا ماأدري من اللي دعا علي
ضربته غلا وقالت/ وش قصد دعا عليك حنا بلوه
زايد وهو يشرب القهوه/ أي والله بلوه بلاني الله بحبكم
ضحكت غلا وأبوها
قام الأب وقال/يله أنا بروح أنسدح شوي قبل أذان العصر والبيت بيتك مع أني عارف أنك حافظ هالعباره
زايد/ دامني غاثك لهالدرجة خلنا نسوي العرس وأرتاح
الأب/العرس لاجاء وليد من البعثة
وراح وخلاهم وأول ماطلع الأب كان يطمر زايد ويزين جلسته بقبال غلا
قال/ اخوك ماعنده نيه يجي؟
غلا/والله ماأدري بعثته اربع سنين وباقيله سنه
زايد/ اووووووف سنه بعد أنا يالله تحملت سنه باقي سنه الله يعين بس
وضحكت غلا وسكت شوي وبعدها قال بصوت رومانسي/غلا
غلا/هاه
زايد بضربه خفيفة على يدها /وهواه أنا كم مره أقولك قولي لبيه
غلا/أقعد يالبيه إذا عدلت أسلوبك قلت لك لبيه
<وكان واضح طبع غلا إذا حست أن زايد بيتغزل فيها قالت هاه>
قال زايد/ماسألتيني عن برنامجي أمس
غلا/صح نسيت وش سويت أمس؟
مسك يدها وقام يعد بأصابعها وقال/ واحد أول ماقمت من النوم جلست شوي ثم تغديت
اثنين_طلعتمع الشباب لكشته بسيطة جلسنا للمغرب بعدها رجعنا
ثلاثه_رجعت البيت ولقيت خالتي وبناتها عندنا
اربعه_جلست أسولف معهم شوي وبعدها قمت أخذت شاور
خمسه_ طلعت بال........ وش فيك؟
سحبت غلا يدها وقالت بصوت متكدر/مافيني شيء
زايد/غلايه أنا عارفك زين وش فيك
غلا/مافيني شيء
وسكتت شوي بعدها قالت بصوت حاولت يكون غير مبالي/ تقولي جلست مع خالتك وبناتها
عرف أنها غارت فحب يرفع ضغطها شوي وقال بحماس / أي جلست وقعدت أسولف مع البنات خصوصا مها تصدقين طلعت فله
<كانوا أهله بيخطبوله مها بس هو رفض أول ماشاف غلا>
غلا/أهاا
كمل زايد/ فله ومزيونه بسم الله عليها
سمع شهقه من غلا حاولت تكتمها ومسك نفسه مايضحك
غلا بإرتباك/بسم الله عليها....
المهم ما ودك تروح عشان أنا ودي أنام شوي
زايد وهو مستانس/ بس ماكملت لك وش سولفت فيه مع مها
غلا/ياحليلكم أحتفظ بسواليفكم السامجه لنفسك
زايد بابتسامة/سامجه الله أغلطي علي عادي بس مها ماآذتك بنت الناس وشكلها محترمه عصبت غلا وفقدت تماسكها وقالت/ياسلام دامها جايزتلك هالكثر ورى ماتأخذها وتريح نفسك بدال ماأنت قاعد تمدح وتجزل في الثناء لسيدة الحسن وت.........
مات زايد من الضحك لان صار اللي يبيه
قالت غلا بصوت مقهور/ وش يضحك انشاالله
زايد/ياقلبي كل هذا الحب لي
غلا/وشو
زايد/ دامك تحبيني لدرجة تغارين علي هالكثر ليش ماتقولين
غلا بارتباك/أي حب وأي غيره شكلك حششت
زايد/يله عادأنا حبيت أرفع ضغطك ولالاجلست مع مها ولاشيء بس سلمت على خالتي وطلعت فوق
غلا وهي تضربه/ليش تلعب باعصابي كذا
زايد/ أثرك طلعتي تحبيني وأنا ماأدري ومخليتني أهوجس أنتي تحبيني ولا لا
غلا/يله عاد بلا قلة أدب
زايد/يااخي لو مره قولي أحبك لو مجامله بس شكلي بأبطي عظم وماسمعتها
جلست غلا تضحك قال زايد /أقول غلايه وش رايك اليوم نطلع نتعشى برى
غلا/أنت عارف أن أبوي مايرضى
زايد/ ياحوووول طيب نروح نتمشى لو بالسوق
غلا/الله يالسوق أصلا مادخلته عقب أول مره شفتك فيها
وكملت بصوت واطي/وهزئتني
وضحك زايدوقال/لاتلوميني تنرفزت من اللي جايه صقعتني وكبت الكابتشينو ولا بعد حار أحرق أصابعي ضحكت غلا وهي تتذكر الموقف< كانت اول مره تروح للسوق مع مضاوي بتحاسب ووقفت غلا بمكانها وحست ان جنبها شباب فبعدت عنهم شوي ومادرت الا وهي صاكه واحد وعصب عليها وصارخ وقال/وجع انشاالله ماتشوفي عمياء انتي وحس ان البنت دمعت عيونها واستغرب ومادرى إلا بوحده جايه تركض وتقول/آسفه ماعليش ومسكت البنت بيدها عرف زايد انها عمياء وراح لأخوياه وهو مصدوم وقالهم السالفه وعصبوا عليه وقالهم انه مادرى قالوا له كان تعذرت فطمر مع شلته يدورونها بالسوق لحد مالقاها طالعه تركب السياره لحقوهم وعرف بيتهم في البدايه كان ت السالفه اعتذار وبس لكن اول مارجع البت لقى اهله يبون يخطبوله مها بس هو تردد وماعطاهم الجواب وصار يتردد كثير على بيت غلا وعرف انها وحيده مع ابوها وحس انه يميلها بس ضحك على نفسه وقال متاثر بالافلام انا ووجهي واول ماسالته امه عن مها رد بسرعه انه بيخطب بنت واول مادروا انا عمياء رفضوا بالبدايه بس يوم شافوا الحاحه واصراره وافقوا وتقدمولها في البدايه غلا رفضت حست انه شفقان عليها بس ابوها اقنعها انه ونعم الرجال ومارح يامن احد كثره عليها فاضطرت انها توافق لكن بعد الملكه حست انه فعلا رجال ويحبها حتى هو اول ماشاف جمالها وادبها عرف انه ماراح يندم على اختياره>
زايد/ يله عاد انا بروح قبل لايقوم عمي ويلقاني ويقول يامن شراله من حلاله عله
ضحكت غلا وقالت/ متى اشوفك
زايد/يمكن أشوي قبل لا أرجع البيت
وطلع وجلست غلا تفكر انها فعلا محظوظه فيه
@@@@@@@@@@@@@@@@@@@@
غلا/ من عند الباب؟
<افتح باب ياخلا انا ريشاب جيب مقاضي>
فتحت غلا الباب وكان ريشاب هندي البقاله تموت فيه غلا لانه يعاملها مثل بنته وكان بعمر ابوها وماكان ينطق اسمها زين يناديها خلا>
غلا/هات ريشاب ومدت ايدها
ريشاب/ وقف وقف ياخلا فيه رزال يفحط عند باب اصبر ابغى سوف ايس فيه
<ضحكت غلا كان هذا طبع ريشاب يخاف عليها لانها عمياء ويجنن شباب الحاره حتى زايد جننه في البدايه بس بعدين حبه>
رجع ريشاب وقال/ هذا واحد مضيع يبغى حاره تاني يله سكر باب وراح
وبعد العشاء جلست غلا تسولف مع ابوها
الأب/ الا اقول متى راح زايد
غلا/قبل العصر بشوي
ضحك الاب وقال/ياحليله والله له وحشه
غلا/دامك تفقده وراك تكسحه
الاب /لاياشيخه تبيني كل شوي امدحه عشان يشوف نفسه علينا
غلا/ حرام عليك زايد موب كذا
الاب بضحكه/ أيــــــــــه موب كذا المهم أخوك مادق اليوم
غلا/ لامادق بس...........
<أجيك يسلم راسك وشلون مااجيك...> سمعت غلا صوت سياره مشغله الاغنيه بصوت عالي بالشارع وضحكت
الاب/هه جاء قيس قومي افتحي الباب
فتحت غلا الباب ونزل زايد ودخل وقال/ مساء الخير ياوجه الخير غلا بخجل/ هلا
زايد بهمس/ اشتقتيلي
سكتت غلا من الحياء ضحك زايد
قال الاب/ ورى ماتدخل يازايد جلس زايد وسلم على عمه
الاب/ هذا وش اللي معك
زايد/ هديه لغلايه
الاب /وش هي
زايد/ اقول عمي وش فيك صاير فضولي
الاب بضحكه/يعني هونت ماتبي تقول لي
زايد بضحكه/ليه انا كنت ناوي اقولك اصلا عشان اهون ياحليلك ياعمي واثق من نفسك
ضحكت غلا وابوها
قام الاب/يله انا بروح انام وانت لاتبلط هنا
زايد/حاضر طال عمرك واول ماراح ابو غلا طمر زايد كالعاده لغلا وقال/ تفضلي ياالغلى غلا بالعالم
غلا بضحكه/الله يستر لاتكون ملغمه
زايد/ لاتخافي ماراح افجرك الا اذا خنتيني عشان تصير قصه العاشق اللي فجر حبيبته
غلا/لاياشيخ عاشق وتفجر هذا عاشق ارهابي بعدين ياخوفي انت اللي تخون
زايد/ افااااااااااا ياغلايه اللي يحب مايخون ويله بسرعه افتحي الهديه
فتحتها غلا مع مساعده من زايد وطلعت الهديه جوال
غلا/وش اسويبه
زايد/سويبه كيكه وش تسوين به بعد اكلمك وتكلميني
غلا/بس مااعرف له
زايد/ انا اعلمك اول شيء اذا سمعتيه يدق اضغطي ذا واذا بغيتي تدقين علي انا مخزن رقمي بالتصال السريع
اضغطي رقم اثنين هذا بعدين السماعه الخضراء هذي وإذا بغيتي تدقين على الشرطة دقي 9 ثلاث مرات
ماتت غلا من الضحك وقالت/اجل خلاص بسولف مع الشرطه واطنشك
زايد/أي هين هذا اذا عطوك وجه وبعدين مافي احد يعرف رقمك غيري يعني مااحد معبرك غيري
غلا/لاياشيخ
زايد/واذا ارسلت رساله اضغطي ذا
غلا/لاياشيخ وشلون بقرا رسالتك
زايد/ العالم تطور ابرسلك مقطع صوت والحين بدق عليك فهمتي ولالا
غلا/ليه شايفني بقره؟
ودق عليها وعطته رفض
زايد/تبيني اجاوبك على سؤالك؟
ماتت غلا من الضحك وقامت تضحك من قلب
زايد/ ياويل حالي اذوب انا
زادت غلا بالضحك
زايد/خلاص عاد ترى من جد اذوب
سكتت غلا بعد ضحك طويل وجلس زايد يدق عليها وهي مره رفض ومره صامت الى حد ماتعلمت وبعدها ارسلها رساله وتعلمت وشلون تفتحها
زايد/بعدي والله صدق ذكيه ويله انا بروح لان بكره عندي سفره
علا برعب/وين؟
زايد/ بروح مع الشباب للشرقيه
غلا/ ليه؟
زايد/ عرس خوينا بكره
غلا/وكم بتقعدون؟
زايد/ثلاث ايام
غلا/ليه ناوين تروحون معه شهر العسل؟
ضحك زايد وقال/ لابس عندي شغل
غلا/وشو؟
زايد/ اشك انك في المباحث بس ماعلينا بروح اشوف وش صار بشهادتي حقت الدكتوراه
غلا بضحكه/ايوه وش تخصصك انشاالله
زايد/طب عيون
ضحكت غلا لانها عارفه انه يمزح
زايد/ وش يضحكك انا مو قلت لك اني راح ادرس طب
غلا/ ايه تدرس وانتي مقابلني اربع وعشرين ساعه بعدين وش حدك على طب العيون
زايد بهمس ناعم/ عشانك
غلا انفجرت من الضحك وزايد ضحك منها وقال/ شكلك مكذبتني
غلا/ اكذب على قدك موب طب مره وحده
زايد/ماعلينا تبين شيء
غلا/سلامتك بس اتصل فيني اذا مشيت
زايد/ اقعد الحين اتصل فيني ولا قبل ناسيتني
ضحك وطلع وراحت غلا تنام
@@@@@@@@@@@@@@@@@@@@
<اجيك يسلم راسك وشلون مااجيك>
فزت غلا من النوم تحسب زايد جاء بس طلع جوالها يدق وكان زايد حاط لها النغمه هذي
غلا بصوت نعسان /الو
زايد/اشوى ماعطيتني رفض
غلا/الساعه كم؟
زايد/سبع الصبح
غلا/اووف وش مصحيك هالحزه
زايد/ عشان نلحق العرس ونساعد خوينا اذا يبي شيء يله عاد روحي نامي وبدق عليك بعدين
غلا/انتبه والسرعه
زايد بادب مصطنع/حاضر ماما مع السلامه
غلا/ مع السلامة ,, ورجعت نامت اول ماقامت غلا دقت على زايد
زايد بضحكه/ اقعد ياجوال
غلا بضحكه/ شفت شلون اقول وينكم؟
زايد/ جالسين نتمشى شوارع الشرقيه
غلا/اهاا
زايد بنعومه/ اقول فقدتونا؟
غلا بتنهيده/ أي والله
زايد بصرخه/آآآآآآآآه اخيرا اعترفتوا
ماتت غلا من الضحك
زايد بصوت ناعم/ يااخي مابغيتوا تجبرون خاطرنا
غلا/وراك تهرج كذا
زايد/لا بس عندي الشباب
عاد الشباب عرفوا انها غلا من صوت خويهم
كان يزاعقون
غلاااااااااااااااااااااااااااا اااااااااااا
ضحكت غلا
قال خويه/ انا اقول الرجال وراه ذايب
قال الثاني/ هذي غلا ياشيخ وماتبيه يخق
زايد/ اكلمك شوي
غلا/ زين مع السلامه
زايد/ مع السلامه
وسكرت غلا
قال خويه/ ياعيني على الرومانسه
زايد بتنهيده/أيـــــــــــــــــه والله اني اشتقتلها
كان يصارخون الشباب ويصفقون
قال خويه/ سبحان الله شفت وشلون اجتمعوا
زايد/ماادري وش كان حالي بدونها
قال الثاني/الفضل لنا بعد الله حنا اللي خليناك تعتذر لها
زايد/اقول سوق وانت ساكت
وضحكوا الشباب
وجلس زايد يفكر بغلا اول مره بقوله انها فاقدته وهذا يدل على تحين وجلس يضحك وهو يتذكر وجهها وشلون يتغير اذا تغزل فيها
@@@@@@@@@@@@@@@@@@@@
<اقول غلا ترى البنات مسويات حفله وتراك بتروحين معي >
غلا/ لا يامضاوي ماابي اروح
مضاوي/ غصب طيب بتروحين
غلا/هاه وشوله اروح
مضاوي/ تغيرين جو
غلا/معجبني جوي ومالي خلق للاحراج من البنات
مضاوي/ وش احراجه انتي لك سنين ماطلعتي ولازم تشوفي العالم وبعدين اول مره اشوفك تنحرجين من عماك مع انك عارفه انه مقدر من ربك
غلا/ انا عارفه هالشيء بالعكس الوضع عندي عادي بس ماابي احرج البنات
مضاوي/ مالي شغل رايحه معي رايحه وقومي جيبيلي قهوه يله
ضحكت غلا وقامت تجيب لبنت عمها القهوه
بعد ماراحت مضاوي دق زايد
زايد/هلا وغلا
غلا بضحكه/اهلين
زايد/ اقعد رديتي بسرعه
غلا /خلاص تعودت المهم انت وين
زايد/والله ياطويله العمر تونا زفينا المعرس
غلا متحمسه /وشلون زفيتوه؟
زايد/ركبناه حمار
غلا/يله عاد
زايد/يعني وشلون زفيناه سويناله صف سيارات ومشينا فيه لبيت العروسه
وصورنا الزفه بس بالصراحه فليناها الله يوفقه انشاالله
غلا/ اها
زايد يقلدها/اها خير وش فيك
غلا/ غلا مافيني شيء بس بستشيرك بشيء
زايد/ فلوس ماعندي وضحك
غلا /من اولها كذا
زايد /تفداكي عيوني ياعيوني
غلا/خل عيونك لك واسمع مضاوي تبيني اروح معها لحفله
زايد/ مضاوي من؟
غلا/بنت عمي
زايد/اها وانتي تبين تستاذنين مني

غلا/لاياشيخ ابوي حي استاذنه هو موب انت بس المشكل هانا رافضه اروح ومضاوي ملزمه علي اروح معها وانا ماودي
زايد/وليش ماودك؟
غلا/ماادري ماابي احرج البنات هم اكيد ماراح ياخذون راحتهم زين وراح بنحرجون مني وانا.......
زايد/بس بس تدرين انا مع مضاوي وبتروحين غصب وانا اللي بوديك
غلا/ياسلام الدعوه عناد
زايد/أي عناد انتي لمتى بتحرمين نفسك من الناس
غلا بهمس/وش ابي بالناس تكفيني انت
زايد/لا لا بس...... وش قلتي تو
غلا بضحكه/ماقلت شيء
زايد/الا قلتي يالله مشاعرك متدفق غير وانا بعيد
ضحكت غلا
زايد/ عموما انا راجع بكره وبشوف اذا انتي مشتاقتلي صدق ولابس فرحه الجوال وسكر وراحت غلا تنام
@@@@@@@@@@@@@@@@@@@@