(((إن عـــشــت يــاراســـي ..)))

(((إن عـــشــت يــاراســـي ..)))


بإسم الإله اللـي بإسمـه بدينـا
مرسي السفينه للنبي في بحرهـا
وصلاة ربي عـدّ وبـل الرزينـا
على النبي وأعداد وابـل مطرهـا
وسـلام ياخالـن لرايـه عنينـا
راعي العلـوم الغانمـه مقتدرهـا
اللي ليا ضاقـت وضاقـت علينـا
نجيـه ويبـدد سحايـب كدرهـا
يا هنيهـم بالنـوم (( النايمينـا))
ناموا وأنا عيني تقاسـي سهرهـا
نامـوا منـام بـلـذّة الأمنيـنـا
يا هنيهم (( بقلوبهم يا كبرهـا))
صحيح ذاك القـول يـا سامعينـا
يدن بما ويـدن تصالـي جمرهـا
ماهمنـي باللـي مـن الله يجينـا
النفـس ترضـا دام هـذا قدرهـا
همّي من أنفوس الحسد والضغينا
أسمومها ويّا عسلها تخشرهـا!!!
إن شفتها مـن أقـرب الأقربينـا
وأن أبعدت شيطانهـا يحتضرهـا
مهما عطيت أنفوسهـم جاحدينـا
لو كان حطيـت أبيديهـم قمرهـا
المتـن متنـي والأيـادي يدينـا
ولا خير في يدن تحضّن ظهرهـا
إن ما بنـت داراّ بظلـه ضفينـا
وإلا عسى الله دارهـا لا عمرهـا
يشـوم راس الحـر للحايميـنـا
ما يلتفت في وكرته لـو خسرهـا
إن عشت ياراسي(( كساك الثمينا))
وإن متّ ياراسي ((فدنّك)) عسرها