(((أصيح صياح)))

(((أصيح صياح)))


أصيح صياح ماحي ٍ فطن لّـي
سعير النار مـن فينـا يطيقـه

أصيح صياح من شي ٍ حصلّـي
ذبحني وولـع بقلبـي حريقـه

حبيبي حب له غيـري محلّـي
حقيقه ياهلـي هـذي حقيقـه

ألا ياليـت ماعلمـه وصـلّـي
ولا هيج بي جـروح ٍ عتيقـه

جديد الجرح وأحزانـي وكلّـي
علاقه بيننـا صـارت وثيقـه

أجامل وابتسم واضحك وانا اللّي
عيوني في بحر دمعي غريقـه

ولا منّـي ذكـرت ايـام خلّـي
تزيد بحالتـي همـم ٍ وضيقـه

تجيني صورته لاقمـت اصلّـي
وطيفـه مـا يفارقنـي دقيقـه

وش آخذ من بحر حزني واخلّي
وغير الآه مـا عنـدي رفيقـه

أشوف الناس كل ٍ لـه مسلّـي
وانا في غربتي روحي طليقـه

تناست في ظلال الغيـم ظلّـي
وظل الغيـم مايـروي لحيقـه

شحيـح الغيـم ماظنـه يهـلّ ِ
يبل لزاهـي الوجنـات ريقـه

وانا لا جيت ابنساهـا واعلّـي
جوابي جاوبـت ونّـه عميقـه

أقوم ان شفتها واقـف واهلّـي
تقل ماغيرهـا حولـي خليقـه

ألا يا ليت موتـي زايـر ٍ لّـي
قبل لا شوفها لغيـري عشيقـه

منقووووووول