هلا بكل عيال الرجال هلا بكل قبايل السعودي 

بسم الله الرحمن الرحيم


يالله ياخـالـق اراضـيـن وابـحـار *8

** الـواحـد المعـبـود رازق عبـيـده

الخالـق الغـفـار عــلام الاســرار *

*** وفرق شعوب الارض فـي كـل يـده

وابدي واسولف من عذيبـات الاشعـار *

*** ابيـات شعـر والمعـانـي وكـيـده

اشري وابيـع واعـرف كيـف بختـار *

*** واختار من جـزل البيـوت الفريـده

وذكر تـراث وعـز وامجـاد وافخـار **

** قبائـل تـومـن بـديـن وعقـيـده

وصلت حضارتنا على سطـح الاقمـار **

** ابنـا الجزيـر والجـزيـره مجـيـده

في ظـل حكـام لهـم فعـل واشـوار **

**آل السعـود اللـي تـفـك الضهـيـده

نسل الزعيم الحاكـم العـادل البـار ***

* مجـدد امـجـاد الجـزيـره بجـيـده

حتى اصبحت حره وحنـا لـه انصـار **

** في ظل اخـو نـوره هنـوف سعيـده

وصارت لابو تركي بطولـه وتذكـار ***

* والفخـر والامجـاد تبـقـى شهـيـده

وخلف لنا املوك لهـم فعـل واخبـار **

** الشعـب واحـد والقـيـاده رشـيـده

والامن بانينه علـى سـاس وجـدار ***

* وقرو علـى العابـث عقوبـه شديـده

وحنا حمـاة الـدار مـن كـل غـدار **

** ومـا همنـا بطشـه وخبثـه وكيـده

قـبـائـل مالحقـنـاهـم اوعـــار **

** وعشنا بهذي الـدار عيشـه رغيـده

والحمـد لله نحمـده ســر واجـهـار *

*** شعب تكاتـف مـن سنيـن مديـده

ودون الوطن جيش على كـل معبـار **

** لارفـرف البيـرق ونـادى عقـيـده

بشرق البلاد وغربهـا دوم حضـار ***

* وارض الشمـال اللـي نفـوده مديـده

وارض الجنوب اللي تخيضر بالاشجار ***

* جـزيـرة فيـهـا القبـايـل عـديـده

ارض بهـا قحطـان وافيـن الاشبـار *

*** وياعـز منهـم بالشدايـد بسـيـده

واذكر عتيبـه يـوم للطيـب مغـوار **

** لا ثـارت الهيجـا وقـرب ضـديـده

وشمر هل الطـولات والجـود مقـدار **

** اهل الكـرم واهـل الفعـول الحميـده

وقوم اعنزه مروين الاخصام الامـرار **

** اولاد وايـل مـن عصـور عهـيـده

ومطير قـوم تكـرم الضيـف لا زرار **

** وياويل خصـم فـي حراهـم وعيـده

واذكر قبيلـة حـرب يانعـم الاخيـار **

** وتاريخهـم يحكـي سطـور مجـيـده

وسبيع نعـم القـوم ووجيـه الاسفـار *

*** زبن الدخيل ليا زبـن مـن طريـده

واذكـر قبيلـة يـام والطيـب ينـدار **

** اهـل العلـوم الوافـيـه والرشـيـده

ثم الدواسـر تجعـل الخصـم منهـار **

** عيـال زايـد عـز منهـم سنـيـده

ثم السهول اللـي لهـا الطيـب مـدرار *

*** وعن منهج العـادات ماهـي محيـده

ثـم اذكـر العجمـان حمايـة الجـار **

** والمرجلـه والجـاه فيـهـم عتـيـده

واذكـر بنـي مـره طويليـن الاعمـار *

*** مـا ينقـد المـري ولا لـه نقيـده

ثـم العـرب لابـة تـقـدح الـنـار **

** اهـل الركـاب اللـي خطاهـا بعيـده

واذكـر بنـي خالـد قبيلـة وامــار **

** قوم لهم فـي المجـد قـول ورصيـده

وبني تميم اللي لهـا الطيـب مصـدار **

** بنـي تميـم وكــل فـعـل تجـيـده

ثم الزعوب اللي بهـا الخصـم يحتـار **

** شجعـان ماترضـى سـوا ماتـريـده

العازمي وافـي وفـي الطيـب بيطـار *

*** روحه على كل المصاعـب صميـده

ثم الظفيـري فـي المصاعيـب جبـار *

*** والطيب والامـداح باصلـه وطيـده

ثم اذكـر الاشـراف بجـلال واكبـار **

** اهـل الحجـاز اللـي تفـك الزهيـده

ثـم الهذيلـي لـه مواقـف ومنـدار **

** راعي الفخر راعـي العلـوم السديـده

ثم البقوم اللـي لهـم جيـش وامهـار **

** ريـف الضيـوف ليـا لفاهـم وليـده

وبلحارث اهل العز بشهـود واقـرار ***

* ا لحارثـي ياطـيـب فعـلـه وجـيـده

والمالكي معروف لا صار مـا صـار ***

* في موقف اهـل الطيـب يبـذل جهيـده

واثنـي تحياتـي عـدد وبـل الامطـار *

*** علـى سليـم وكـل خصـم تكيـده

واذكـر جهينـه هـل مواقيـف وادوار *

*** تلقى الجهيني راسـم الطيـب بيـده

واذكر بلي والمجدلـه فعـل واظهـار **

** وتاريخهـم يحكـي فـعـول فـريـده

وبني عطيه فـي المواجيـب حضـار **

** قـوم بوقـت الجـد قــوم عنـيـده

ثم الحويطـي والكرامـه لـه اشعـار **

** ثـم الشـراري لـه فعـول مفـيـده

ثم الرشيـدي فـي الصعيبـات صبـار *

*** علـى علـوم الطيـب فعلـه يزيـده

وباقي جنـوب الـدار والقـاف مـادار *

*** باقـي علـى قلبـي كـلام واشيـده

زهران نعم القوم في وقـت الاضـرار **

** والخصم عينـه مـن لقاهـا سهيـده

والغامدي معروف لـه عـزم واصـرار *

*** راعـي المراجـل والعلـوم المفيـده

وشمران قـوم والجمايـل لهـا اطـوار *

*** وبلقـرن سـم للقـلـوب النكـيـده

والاكلبـي والمحلفـي مابـعـد بــار **

** والحارثـي طيبـه وفعـلـه يشـيـده

وبني شهر وبنـي عمـر سيـف بتـار *

*** قـوم علـى الاخصـام نـار وقيـده

والاسمري والاحمـري صيتهـم سـار *

*** بيـن القبايـل والمواقـف شهيـده

واذكر عسير الهـول ذربيـن الاذكـار **

** وابهـا احتموهـا فالسنيـن الشديـده

وادهم والصيعـر علـى حـد الاقطـار **

** يحمون حد الـدار مـن اللـي يريـده

وامشي مع الساحل مـع جملـه افكـار *

*** رسمتهـا والطـيـر زان اتغـريـده

وانزل علـى جيـزان تاريـخ واديـار *

*** ورجـال فيفـا والقبـايـل عـديـده

وارجوا العذر واهل المواجيـب عـذار **

** الـي نسيتـه مانذكـر فـي القصيـده

الواهبـي عـدد ابيـوتـه بــالادوار **

** مـن شاعـر ماشـل قلبـه حقـيـده

شهران ربعي هم هل المـدح والكـار **

** واهل الكند واهـل السيـوف الجديـده

يـوم البلـد مايامـن الـزنـد لاثــار *

*** زيزومنا ابـن مشيـط نعـم الوليـده

فالجهل شجعـان وفـي السلـم تجـار **

** مـن بطـن بيشـه للتهـم لارفـيـده

حبيت ابيـن موقفـي بيـن شعـار ***

* وارجـوا سموحتكـم علـى ذا النشيـده

ماحـب انافـق واتعنصـر تعنـصـار **

** ولا ني باطيـع اهـل العقـول البليـده

ما كل مـن طـب البحـر قيـل بحـار *

*** وما كل من شل الفشق جاب صيـده

فالشعـر بستـان بـه ورد وازهــار *

*** واللـي تعـداهـا بيـوتـه فقـيـده

واقولها فـي الشعـر تكـرار وامـرار **

** ضـرف بـلا عنـوان يلغـى بريـده

وبعض السوالف له مواقـف ومحضـار**

** وشعـر بـلا معنـى لـزوم نبـيـده

وصلوا على المرسول شفـاع الابـرار**

** محمـد الـهـادي وقــدوة عبـيـده