يلج بداخلي صوتٍ يحس من العنى بذنوب

بسم الله الرحمن الرحيم


انا لا زادت جروحي وعيى خافقي لايتوب
يزيد الهم لاقلت من الوقفات حيلاتي



يلج بداخلي صوتٍ يحس من العنى بذنوب
سكن في بحة اطرافه بقايا صدق وناتي



ترى مال الفرح سكه كثر مال العذاب دروب
اضيع بمهمهت بعدٍ تسبب في معاناتي



نسيت اني معى حظٍ مشى في سكته مقلوب
تعثر في طرف وقته وضاعت فيه حيلاتي



تعذبت ووقفت انخى وحرت انخاه بأي اسلوب
لقيته منزعج مني وقمت اكسر اهاتي



تلاشت فرحةٍ كانت هي اللي باقيه مطلوب
وهلت دمعةٍ كانت من اول سبة سكاتي



اضنه مابقا شئٍ عليه ليا انهزمت اذوب
شتاتٍ اعجز ألمه وضاع بوسط عبراتي



علي من الصبر غيمه تجر الحانها مسحوب
ولا لي فالصبر حيله ولا عندي له سواتي



انا مدري وش اللي عند ربي فالصحف مكتوب
دعيته لايعذبني ويغفر كل زلاتي



همومٍ لملمة قلب وملت دفتر عناي قلوب
وراحت كنها ردت علي اكبر مسراتي



تمادت بي على دربٍ تمشيته وانا مغصوب
تشتتني وانا توي ململم اول شتاتي



كذا لازادت جروحي يعيي خافقي لايتوب
واشوف الناس كل الناس تعجز عن مواساتي