الشاعر: ناصر بن دهيم

السلام عليكم ورحمة اللــه وبركاااته...


هذي قصيدة الشاعر ناصر بن دهيم في شاعر المليوووون



الصبح شعشع واقبل النور بالنور
والليل الاسود ما يجيب الصراحه

مانب ضايق لاكن القلب مقهور
مثلي تساوى ضيقته وانشراحه

امنت بلي ثبت طويق و الطور
عساه يلهمني ثبوت وفصاحه

واضح واحب اقابل الناس مسرور
مخلوق بين الرضاء والسماحه

اكتب قصيدي همي اسعاد جمهور
ماهمن فوضه وصوره وساحه

موج تلاطم من ورا سبعة بحور
وحروف شعري للمخاليق راحه

يا مبتليني بالحكي اسمع الشور
لا تحسب انك عايش بوسط واحه

الي خلقنا ميز الحق والزور
الفرق واضح كالسماء والبراحه

الطب يبغاله من الناس دكتور
والهندسه تبغى ارتفاع ومساحه

يلي تقول اني من الناس مغرور
ميز هماج الماء وميز قراحه

لامن كبر راسي مع الطيش معذور
لاكن غرور الشخص سبت مطاحه

نسعى بهالدنيا نبي الحال مستور
والمجتهد همه وغمه نجاحه

يا صاحبي لا تقعد تلف وتدور
الطير وش هو لو كسرنا جناحه

منتب معي يا ابن الاجاويد مجبور
من راح مني سمح الله مراحه

وهذا رابط التحميل

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]