ارسل علي الحين خمسميـة ريـال

07-28-2007


	البارحة جاني مـن الحـب مرسـال من عقب ما بينـي وبينـه خصيمـة وانا ترى في الحـب مانيـب فعّـال ولا بعـد ولّـع بقلبـي هشيـمـه ولا بعد غنّيت فـي ساعـة وصـال ولا بعد ذقـت الفـراق وجحيمـه ولا جرى دمعي على الخـد همّـال ولابعـد جربـت مــرّ الهزيـمـة حتى وردنـي تالـي الليـل جـوال وانا على شاهي وبسكـوت ديمـة الرقم بايخ لكـن الصـوت قتـال كنه مثل صـوت المذيعـة حليمـة قالت مساء الخير يـا طيّـب الفـال قلـت ارحبـي ترحيبـةٍ مستديمـة بالعود والصفـري ودلـة وفنجـال واجبك يا بنت الأصـول الكريمـة ردت بضحكة ثم قالت وش الحـال؟ قلت اشهد إن الحال عقبك سقيمـة قالت وهي تضحك بعد مثل الأطفال وانـا بعـد كنـي بدونـك يتيمـة من يـوم قالتهـا تزلزلـت زلـزال من فجعتي كنـي مسـوي جريمـة قلت ارفعي صوتك ترى مابه ارسال كـذاب لكـنّ المصيبـة عظيمـة قالت أقول اسمع ترى هرجنـا طـال ممكـن تصاحبنـي ترانـي وسيمـة واسمي الحقيقي أول حروفـه الـدال لكـن يسمّونـي البنـات الزعيمـة صحيح أحب الفخفخة واعشق المال لكـن ترانـي طاهـرة مستقيـمـة ما عندي امغازل ولا (لعب يهّـال) ما عندي إلا في الشرف والحشيمـة بس الصراحة قلبي لشوفتـك مـال واصبحت وحدك جالسٍ في صميمه فكّر بعقلك واترك القيـل والقـال واحذر تطيع اهل العقـول العقيمـة وارسل علي الحين خمسميـة ريـال أشحن بهـا جـوال أختـي غنيمـة أو طقم غالي فيه خاتـم وسلسـال أروح بـه فـي عـرس ولاّ عزيمـة قلت الحقيقة مانيب رجـل أعمـال ولانـي بتاجـر والمـوارد عديـمـة أنا الصراحة شبـه عطّـال بطّـال وعلاقتـي بالفقـر جـداً حميـمـة والراتب الله يرحم الحـال مـا زال محـدود والمصـروف ربـي عليمـه والدين بـالآلاف والبنـك شغّـال ياكـل فلوسـي بالربـا والظليمـة والسوق طايح والغلا ضيّـق البـال والموت والله صايـر اكبـر غنيمـة قالت تحمّل بـس والحمـل ينشـال خلك شديد الباس صلـب العزيمـة ياخي تصرّف جعلك اتصيـر نشّـال أهـم شـي إن النوايـا سليـمـة لابد تفهمني علـى كـل الأحـوال ما دمت من أهل العقـول الفهيمـة قلت إيه والله فاهم اللي على البـال لكن تـرى هـذي علينـا قديمـة يا بنت هـذا صايـر اليـوم مـوال للي تبي تلعب علـى ابـن اللئيمـة يا بنت ما تدرين كـم فيـه محتـال يلعب على الحبلين وانتـي غشيمـة يا بنت كم من جاهلة دمعها سـال من عقب ما جات العواقب وخيمـة والبنت لا اقفى عرضها بيد الأنـذال والله مـا يبقـى لهـا أي قيـمـة قالت تبي ولاّ فخلّك علـى جـال مهوب ناقصـي نصايـح حكيمـة عز الله إنك للأسف منـت رجّـال وانك قليل الذوق ما فيـك شيمـة يا لعنبو اللي مـا يسطّـرك بنعـال حتـى يعلمـك الغـزل يـا بهيمـة ( تفو ) عليك وصكّت الخط في الحال مدري ( تفو ) هي مدح ولاّ شتيمـة

لا وفيها الخير بعد فكرت بأختها غنيمة

07-28-2007

هههههههههههههههههههههههههههههه

الفيصل

الله يسعدك على القصيدهـ الرووووووووووعه

واللي تحكي الواقع..

لاعدمناااك..

مع حبي؛؛؛

جوجو

07-28-2007

الفيصل

الله يسلمك على القصيده

الواقعيه

ههههههههههه

تحياتي
الأمير

07-28-2007

هلا فيك جوجو

وش دراك انها تحكي الواقع>>> لا تكوني تعرفين غنيمة

هههههه

اشكر مرورك

الفيصل

07-31-2007

صح لساااااااااااااااااااااااااانك يا شاعرنا الكبير، ودنا بقصيده تعبر عن كربة المعلمين من المناطق النائية ...
شد حيلك

أدوات الموضوع
عرض نسخة صالحة للطباعة أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه للموضوع: ارسل علي الحين خمسميـة ريـال
الموضوع	كاتب الموضوع	المنتدى	مشاركات	آخر مشاركة
ارسم نفسك مع رسام فروســـــــــــــــي	الملاك ناني	مسابقات العاب - ألعاب - مسابقات ترفيهيه	14	منذ 2 أسابيع 05:06 PM
ارسم لوحة..	خالد10	خواطر حب - خواطر غزل - خواطر فراق - خواطر عشق	5	09-27-2008 01:24 PM
ارسم نفسك في ثواني كركاتيـــر رووووووعه	عــصــفــوره	تنسيم - نكت - ضحك - طرائف	4	07-25-2008 02:10 AM
الدين نصيحة... أسترآحة الآسلأمي ..!	أناكذا	نفحات ديينيه - صوتيات - مرئيات - فلاشات إسلامية	12	06-11-2008 09:52 PM
ارسل رساله من ايميلك الى جوالك	الاصطوره	برامج جوال - ثيمات جوال -اخبار الجوال-العاب الجوال	4	05-12-2008 08:11 PM

الذين يشاهدون محتوى الموضوع الآن : 1 ( الأعضاء 0 والزوار 1)

الإهداءات
إضافة إهداء

ارسل علي الحين خمسميـة ريـال

همس القوافي- شعر -قصائد متنوعة - أعذب القصائد